#233 NIJLWEG direkshon pa Ser’i Domi.

👍🏾🇨🇼👍🏾KÒRSOU MESTER BIRA MAS LIMPI !!!👍🏾🇨🇼👍🏾

Apresiabel kompatriotanan.

Despues di 2 djadumingu, awe (28 di sèptèmber) tabatin e di 233 akshon di limpiesa Tur esaki a tuma lugá na NIJLWEG direkshon pa Ser’i Domi. Apesar di e solo tòg bastante skèrpi “e mihó team di limpiesa di Korsou” a traha hopi duru. Tabata tin enormemente hopi karton, plèstik chiki, kùps etc, etc.

Loké nan a kolektá bo por mira riba e sigiente lista:🔽 ⬇️⬇️

240 X BÒTER DI SÉRBÉS BASHÍ = 58 KILO. (BAKI DI GLAS)

375 X BLIKI DI ALUMINIO = 5 KILO. (RISAIKEL)

500 X BÒTER DI PLESTIK = 10 KILO. (GREEN PHENIX)

60 KILO DI SOBRÁ DI ROTSOI (LÈNTFÉL)

PA UN TOTAL BERGONSOSO DI 133 KILOOOOO !!!

Hasi Kòrsou un fabor i RUIM OP BO ROTSOI MANERA MESTER TA, BON ???
Di antemano danki na nomber di “nos” isla.

The Kunuku Man for di aki ké ekstendé palabranan di sinsero gratitut na e BOLUNTARIONAN FANTÁSTIKO di awe.
MASHA MASHA MASHA DANKI.

Tip di siman di the Kunuku Man:

Gewoon no tira ROTSOI foi bo outo. Tiré den un saku i warde té ora bo yega kas i tiré den bo mes KLIKO. RESIKLAHE DI GLAS, bliki i boter di plèstik ta papia pa su mes, tòg?

Esnan ku ké yuda ku e akshonnan di limpiesa semanal djies app riba +59995638674 i pronto nos ta mira otro.

A HAÑA !!! A HAÑA !!! A HAÑA !!!
UN SÉDULA RIBA NOMBER DI:
Esrand Levar.
Drenta den kontakto ku the Kunuku Man pa bin tumé.

Pa mas informashon tokante e PROBLEMA DI SHUSHI akinan: www.kunukuman.com

Finalmente the Kunuku Man ta deseá tur ku a lesa e informashon un siman felis pero primordialmente unu limpi.🤠

Kompartí ta wordu altamente apresiá.👍🏾