#76 Playa Kenepa Grandi

Apresiable compatriota di Korsou.
Awe 8 di mei e akshon di limpiesa tabata na Playa Kenepa Grandi.Komo ku tabata “Dia di Mama”e team tabata den un kantidat mas chikí. E parkeerplaats largu na tur 2 banda di kaminda a ser limpiá i den 1 ora i mei nos a logra nos plan. Awe tabata un akshon limitá, ja ku despwes di e trabou nos a sinta un ratu na playa huntu den un ambiente ameno disfrutando di refresko bon friw i algu di kome.Teniendo na kuenta e distansha di mas of menos 3 km. tòg e resultado tabata unu hopi desepshonante atrobe.
Bliki di aluminio : 375 Pida. (Resaikel)
Bòter di plèstik. : 210 Pida. (Resaikel)
Glas : 375 Pida. (Resaikel)
Restafval :. 19 Kilo. (Landfill)
Un total di 103 kilo.
Pakiko despwes di un enkuentro na nos bunita Playa Kenepa ta tira rotsoi den mondi pegá ku e parkeerplaats?
Pakiko? Pakiko? Pakiko?
Ku mes un fasilidat bo por tira bo shushi den un saku i tiré den kliko na kas si esun na Playa ta jen. Stima boso isla, nos dushi isla! Korsou ta gradisibo! Bo junan ku ta biba i lanta na Korsou ta gradisibo!
Un extra palabra di gradisimentu ta bai na e boluntarionan fantástiko riba e dia aki ku ta: Roelmen, Sushi Q, Spic en Span, Nathalay, Anthony.S. Bernadette, Mikkie. Bosnan tabata super! Masha, masha danki !!!
Tip di wikent di Kunukuman;
Kumpra un net pa ora bo ta bai Landfill, tapa bo shushi den baki di bo truk. Asina tur e shushi ta jega Landfill enbes di keda atras riba nos kajanan of den naturales. Ban kwida i stima nos Korsou!
Wak imahen di e net i pa mas informashon app riba
+599 9 692 52 35.

Kunukuman ta deseá tur un bon siman i primordialmente un siman limpi !
Bishitá mi wepsait pa informashon interesante tokante risaikel etc. www.kunukuman.com
Por fabor kompartí i like nos paginá.