Kunukuman awó un arte móbiel.
December 2021 Kunukuman a haña sorpresa di su bida. Un miembro di e Team a hasi un petishon na Paradise fm pa transformá e pick-up di Kunukuman den un ‘Mural’ mobil dór di Sander Beusekom.
Awe 13 di aprìl porfin e auto ta keda presentá. Hopi trabou tabatin einan. Sander van Beusekom i su rumannan Nicole i Irsaidy, huntu ku algun miembro di e Team di Kunukuman Esther, Otto, Tony en Roel a pinta e outo kompletamente den e koló di e diseño di Sander. E personanan aki sin niun klase di ekspreriensia riba e tereno di fèrf a duna un prestashon sublime.
Unu ku nan mes no tabata sá ku nan tabata por (naturalmente ku un tiki ayudo di Sander).
Naturalmente nos no por lubidá di gradisí Spuitinrichting Scherpenheuvel N.V ku a pone su kabina di spuit disponibel i pa e lak final ku e resultado ku e outo tin un brillo espléndido. Den un palabra e resultado ta ‘espektakular’ i ora pone atenshon na e arte, kada bes lo bo deskubrí detajenan nobo. Tabata visto ku Kunukuman a keda hopi konmobí ku e resultado i na final a asta batisá e outo ofisialmente. Bosonan lo bai mira e outo riba kareteranan di Korsou pasobra e lo bai destaká sigur.
Aki ta sigi potretnan pa boso por deleite. https://adobe.ly/3uhaKiK
