|

Paseo den truk pa boluntarionan di Kunukuman.

Djasabra 16 di juli tabata e dia riba kwal e paseo den truk, opsekio di FBTT-Tours/Atlantic Adventurers a keda realisá.

E paseo riba Kòrsou, ta un muestra di apresio pa e trabou ku e team di  Kunuku Man ta hasi pa e isla.

Despwes ku e boluntarionan a presentá na e lugá di inisio nan a abordá e truk militar amerikano, ku ta pará té den haltu aja riba poko wiel gigantesko. E tour a kuminsa riba e kaminda di Hato, konosí pa nos tur I a kwé  direkshon pa “vlakte di Hato”. Nos a bin realisá hopi lihé ku no ta por nada a skohe e truk aki pa hasi e paseo aki. E kaminda ta jen di buraku i e kareda tabata hopi “bumpy”. E vlakte di Hato aki a resultá di ta kubri un distansha di 20 km a lo largo di kosta Noord-Oost di Korsou. Kaminda di lodo ku bistanan maravijoso I un naturalesa krudo. Kaktus den tur forma I tamaño tabata prevalesé. Un bista hopi bunita. Di mes e molinanan di bientu tabata dominá e paisahe. Ta té na momentu ku bo pasa banda di nan bo ta realisá kon grandi nan ta. Di tur manera esaki ta un inisio di uso di energía limpi riba nos isla.

Banda di e molinanan ademas tabatin algun sírkulo di piedra riba suela. E sírkulonan aki a keda poné durante segundo guera mundial I nan tabata ser usá komo “target Practising”pa pilotonan amerikano. Bunita pa mira ku a mantené esakinan komo monumento.

E promé parada tabata na un gruta skondí den mondi. Por a kontemplá I disfrutá di formashonan impreshonante di baranka i asta eskalaktikas.

Sigientemente a kontinuá e paseo riba vlakte di Hato. Tabata opvio ku e sakudimentu di e truk no tabtata ideal pa e situashon psíkiko di sierto hendenan, di kual no ta menshoná nomber, na momento ku a aparentememte e a perde su bril di solo. A surgi un momento breve di pániko pero a resultá ku e tabatin e bril bistí. E persona mes ta haña ku e akontesimiento aki no a tuma lugá.

Asta e aparato ku ta konta stapnan di hende a resultá di a hasi overtime dór di tantu ku e truk tabata sakudí. Na final di e paseo tabatin resultadonan impreshonante e segun e aparatonan aki.

Na final di vlakte di Hato a kohe rumbo pa Westpunt pa bai bishitá e parke di naturalesa di Shete Boka. Akinan nos por a disfrutá di e bientu fresku I e olanan haltu. Nos a kombersá alabes disfruta di e bunita bista. Pa saka un potret di e grupo a resultá den un hilariteit, algu di relahá I mas 2 seconde. Pero al final tòg un bunita resultado di e potret.

Despwes di esei a bai full speed direkshon pa Willibrordus, ku hopi bientu den e kabeinan I tur peinado a keda  kompletamente bruá. Despwes di a kontemplá e flamingonan nos a bolbe kwé direkshon pa Hato kaminda e paseo a jega na su fin.

Tabata un dushi dia, den bon kompanía i ku danki na FBTT-Tours/Atlantic Adventurers.

Similar Posts

Leave a Reply

Your email address will not be published. Required fields are marked *