#89 Playa St. Cruz / Playa Jeremi

👍🏿 🇨🇼 👍🏿 MESTER ta mas limpi!!!!👍🏿 🇨🇼 👍🏿

Estimado Kompatriotanan!!!!

Awe (7 di owgustus) e “Mihó Team di Limpiesa di Kòrsou”a limpia na 2 lokalidat. Nos a kuminsa na Playa Sta. Cruz. E kaminda pa jega e playa i e playa mes tabata bunita limpi. Esaki ta danki tambe na e señor ku ta huur e stoelnan na e playa. Pero lamentablemente na e lugá di parkeer tòg hopi glas (46 kilo)!!!! Blìki / bòter di plèstik i SOBRÁ shushi pa un total huntu di 22 kilo.
I esei mester bira SERO kilo, tòg ?
Despwes, bou di un solo dushi nos a sigi pa Playa Jeremi. Einan tambe e kaminda pa jega playa, e lugá di pakér i e playa més tabata hopi netchi. Finalmente nos a tira un bista na tur 2 banda di e kaminda prinsipal i lamentablemente einan tabata un fiesta atrobe !!!!!!!!!!!
GLAS, GLAS, GLAS I MAS glas. riba un distansha di 2 kilometer nos a rekohé 120 kilo di glas.
STOP KU E KOS AKI, HENDENAN !!!!!!!!!

BLIKI DI ALUMINIO. 375 PIDA. (RISAIKEL)

BÒTER DI PLÈSTIK. 140 PIDA. (RISAIKEL)

BÒTER DI SÉRBÉS/ROM. 830 PIDA. (RISAIKEL)

KILO DI SOBRÁ DI ROTSOI. 30 KILO. (LANDFILL)

LAMENTABLEMENTE UN TOTAL DI 205 KILO.

Estimado hendenan,
RUIM OP BO ROTSOI MANERA DEBE SER, OKÉ?

Awe tambe Kunuku Man ké ekstendé palabranan di komplimentu na e trahadónan duru di awe.
MASHA DANKI ——— MASHA DANKI

Tip di siman di Kunuku Man;

Pone bo kliko kant’i kaya i pone un piedra riba e tapa , oké? Di e manera ei nada no por bula bai den direkshon di mondi of kaya. Un esfuerso minimo, tòg? Hopi bon.

Pa mas informashon tokante e problema di shushi riba “nos” isla, tira un bista riba mi wèpsait www.kunukuman.com.

The Kunuku Man ta deseá kada un di boso un siman plasentero pero primordialmente unu LIMPI❤️

Kompartí lo ta amabel👍🏿

Similar Posts

Leave a Reply

Your email address will not be published. Required fields are marked *