#98 Yellow house

👍🏿🇨🇼👍🏿Korsou MESTER ta mas !!!👍🏿🇨🇼👍🏿

Na tur ta lesa esaki.

Awe (16 di oktober) e akshon semanal di limpiesa tabata dilanti di YELLOW HOUSE kaminda e truk di pan ta para. Lamentablemente atrobe tabatin hopi ROTSOIp. Kome einan e tira bo rotsoi einan. PAKIKO ?????? Pero en trahadónan FANTASTIKO awe atrobe a traha hopi duru i a laga e lugá limpi limpi. Despwes di pausa nos a limpia tambe KAMINDA SALIÑA I KAYA C. WINKELS. Shonnan STOP ku esaki i no tira bi shushi tur kaminda pero bai ku bo shushi i tira esaki den bo mes kliko, oke ???

UNIKAMENTE HUNTU NOS POR GANA KORSOU LIMPI !!!!

Wak e lista aki bou i puntra bo mes DIKON ?????

240 x BÒTER DI PLESTIK = 6 KILO. (RISAIKEL)

375 x BLIKI DI ALUMINIO = 5 KILO. (RISAIKEL)

485 x BÒTER DI SERBES/RUM BASHÍ 97 KILO (BAKI DI GLAS)

SOBRÁ DI AFVAL 93 KILO !!!!!!!!!!!!

UN TOTAL AWE DI 201 KILO !!!

RUIM BO ROTSOI OP MANERA DEBE SER, OKÉ ???

Un biaha mas Kunuku Man ke ekspresá palabranan di apresio i respet na e SUPER BOLUNTARIONAN FANTASTIKO ku a traha hopi duru awe atrobe.

MASHA —– MASHA —– MASHA DANKI.

Si bo ta interesá pa juda di un of otro manera pa gana i mantene nos isla limpi manda un app riba nr. +59996925235.

Tip di siman di Kunuku Man ;

Pone un piedra riba tapa di bo kliko si e ta pará kant’i kaminda pa bientu NO bai ku bo afval.
Na nomber di Korsou masha danki.

Pa mas informashon tokante e problema di risaikel bishita mi wèpsait https://kunukuman.com/.

Finalmente Kunuku Man ta desea tur ku a lesa e mensahe aki un bunita siman pero primordialmente unu LIMPI. 🤠