The Kunuku Man ta bishita Minister di Hustisia
Maandag 12 di desèmber tabata un dia hopi druk pa the Kunuku Man. Promé parti merdia tabatin un kombersashon ku minister di Hustisia I atardi un team a duna informashon na Totolika.
E kombersashon ku The Kunuku Man komo un siudadano preokupá tabatin ku minister Shalten Hato di Hustisia tabata pa informá serka minister kiko por hasi ku e problema di shushi riba e isla, partikularmente e parti hudisial (p.e. duna but di parti di polis).
Pa motibu ku e ultimo afspraak a keda kanselá na ultimo momento, e team a keda sorprendí ku un sabroso almuerso. Masha danki pa esaki.
Pwes e enkuentro a bira un kombersashon kombiná ku un almuerso ya ku mester a papia di diferente punto.
Algun di e puntonan ku a keda atendé:
- E hecho ku no ta usa net pa tapa shushi ku ta keda transportá ku konsekuensia ku hopi ta bula for di e vehíkulonan
- E hecho ku ta deponé shushi ilegalmente na lokalidatnan kaminda esaki mas of menos ta wordu tolerá
- E shushedat na Truknan di pan
- E konsekuensha ku e shushedat tin riba ekonomía I turismo ( turistanan no ta bini Korsou mas pa motibo ku e ta hopi shusi)
E Team di Kunuku Man ta di opinion ku gobiernu mester tuma su responsabilidat riba e tereno aki pa kaba ku e problema aki.
Minister ta partisipá ku tin akshonnan ta tumando lugá. Asina e siman aki p.e. a start un inisiativa pa bini ku un team di mantenshon. Ta spera ku e team aki por start ku nan trabounan na februari 2023.
E minister tabatin atenshon I e Team ta spera ku e enkuentro aki lo kondusí na un akshon di gobiernu.Na final di e kombersashon tabatin un momento pa saka portret, di robes pa drechi the Kunuku Man, Minister Shalten Hato, Roelmen, miembro di Parlamento Ana-Maria Pauletta I Shark.
