Di 6 akshon di kolekta, misa di Monty.
Korsou MESTER bira mas limpi!!!
Apresiable personanan.
Awe (6 di mei) tabata e di 6 akshon di kolektá bòter di plèstik i bliki di aluminio. E biaha aki nos tabata na lugá di parkeer na misa di Monty.
3952 bòter di plèstik i 23 kilo di bliki di aluminio a entregá. Esaki ta sufisiente? Sigur ku nò!!!
I si bo wak potret nr. 2 Kunukuman no ta komprendé.
E muchanan i nan Tanchi a piki hopi bòter riba kaya i entregá nan. Nan a gana fl.100.
Un bunita sen di spar tòg?? Tin sen riba kaya. Numa bo mester ké pikinan.
Ademas algun boluntarionan fantástiko tambe a piki 17 kilo DI ROTSOI i lamentablemente tambe 63 kilo na bòter di sérbés i rom. Tur esakinan naturalmente a keda transporta na e manera apropiá.
The Kunuku Man ta yama e boluntarionan di awe masha masha danki.
Bo tambe ke gana sèn? Wak e link pa fecha nan di entrega, oké?
https://kunukuman.com/index.php/2023/04/05/data-inzamelacties/
P.s. mayan (7di mei) e mihó team di limpiesa ta bai limpia Playa Parasasa. Bo tambe ke yuda, trese koi bebe of algu dushi? E ora ei te mayan. Kordial saludos di The Kunuku Man.