Akshon di kolekshon 9 / #130 Koraalspechtweg

👍🏾🇨🇼👍🏾Korsou MESTER bira mas limpi !!!👍🏾🇨🇼👍🏾

Na tur ku ta regalá Korsou nan ROTSOI.

E biaha aki e relato ta den 2 pida.

Parti 1.
24 di Yuni tabatin un akshon di kolekshon di bòter di plèstik i bliki di aluminio. 11or nos tabata kla pa entregá sen na esnan ku bin entregá bòter i bliki. E animo tabata poko abou i tòg nos a haña 3500 bòter di plèstik i 25 kilo di bliki di aluminio.

Un famia ya konosí a hasi su máksimo esfuerso i a risibí nf.137,-

Pwes shonnan hasi meskos ku e famia aki i piki bòter di plèstik i bliki di aluminio i tresenan e proksimo akshon i risibí sen kèsh.
Pa fecha i luga di e proksimo akshon bishitá hier.

Green Phenix a bin buska e bòternan pa kwal nos danki. Alaves a ruim op 18 kilo di rotsoi rònt di nos “standplaats”. Pa medio di esaki un aplouso meresí na nos Boluntarionan di ayera. MASHA MASHA DANKI.

Parti 2.

25 di Yuni e “Mihó Team di Limpiesa di Kòrsou ” a limpia Koraalspechtweg di hooooooopie shushi i tambe un pida di M. L.King Boulevard. I lamentablemente The Kunuku Man an méster informá ku riba un distansha di apenas 3 kilometer e resultado tristu segun e lista aki bou.

650 x BÒTER DI SÉRBÉS I ROM BASHÍ = 130 KILO (den baki di glas)

450 x BLÌKI DI ALUMINIO = 6 KILO (RISAIKEL)

425 x BÒTER DI PLÈSTIK = 8,5 KILO (Risaikel)

158,5 KILO DI SOBRÁ DI ROTSOI (LANDFILL)

UN TOTAL TRISTU DI 303 KILO. LESÉ 2 BIAHA, BON?

SHONNAN STOP STOP STOP STOP STOP KU E KONDUKTA DI TIRA SHUSHI AKI I RUIM OP BO ROTSOI MANERA DEBE SER.
SOLAMENTE HUNTU NOS TA LOGRA, TÒG?

Uniko kos ku The Kunuku Man ta bisa e BOLUNTARIONAN FANTÁSTIKO ta: bosnan TUR TA TREMENDO.

Tip di siman di The Kunuku Man:
PONE UN PIEDRA RIBA TAPA DI BO KLIKO ORA KU E TA KANTU DI KAYA PA WARDA SELIKOR PASA, BON??? Un ESFUERSO MINIMAL I TA EVITÁ KU E SHUSHI TA BULA BAI.

PA mas informashon bishitá www.kunukuman.com.

The Kunuku Man ta deseá un i tur un siman plasentero pero primordialmente unu limpi. 🤠

Kompartí lo ta altamente apresiá.