Caribbean Award 5.0
“I atrobe e inisiativa di the Kunuku Man, pa un Kòrsou limpi, a bai ku un premio! E biaha aki tabata e Caribbean Award 5.0.
E premio aki a keda otorgá na personanan ó instanshanan ku pa motibu di nan esfuerso ta yuda na un kambio positivo riba Kòrsou.
E teksto ku ta bini huntu ku e premio i ta bisa lo sigiente:
“Pa nan dedikashon inkansabel pa un kambio positivo riba nos isla trahando riba prinsipionan di limpiesa, orden i puresa den tur nan faseta, sea físiko, moral ó spiritual. Nan esfuersonan ta yuda na un desaroyo importante pa Kòrsou.”
Awe, 24 di yanüari, the Kunuku Man huntu ku Curaçao Clean Up, den persona di sra. Myrthe George-Verhulst a risibí e premio.
Miguel Goede a hasi entrega di e premio i a El a papia e sigiente bunita palabranan: “the Kunuku Man i su tremendo tim di boluntarionan a risibí e premio aki a petishon di e pueblo di Korsou”.
E seremonia di entrega di premio tabata unu fruktífero i bon organisá.
Huntu ku Michael (un boluntario den e tim di the Kunuku Man), nos a risibí e premio na nomber di henter e tim. Hopi danki pa esaki.”
