#199 A.A. de Lannoy-Willems boulevard.

👍🏾🇨🇼👍🏾Kòrsou MESTER BIRA MAS LIMPI!!! 👍🏾🇨🇼👍🏾

Bondia Kerido Kompatriotanan.

Na nomber di henter e Team di Kunuku Man un Bon i Felis Aña Nobo. Pero primordialmente un aña limpi! Nos por palabrá esaki?

Awe 5 di yanüari e Team di Kunuku Man a inisiá na A.A de Lannoy-Willems Boulevard den preparashon pa e di 200! Akshon di Limpiesa di otro siman djadumingu. I tabata un bon limpiesa? Sigur ku sí. Nos no tabata desepshoná di e kantidat di shushi dor di nos kompatriotanan ‘shushadó’. Pa Kunuku Man tabata un dia poko fèrfélu ya ku su bishita na Hulanda a duné poko griep apesar di esei e tabata presente. Pronto rekuperashon.

Aki bou ta sigi e lista di limpiesa kumbriendo un distansha di 1 kilometer:

3 saku di glas = 60 kilo (Baki di glas)

2,4 kilo di bliki (Resaikel)

3,8 kilo di Bòter di plestik (Risaikel)

7,9 kilo Sobrá di plestik (Fuse)

68,5 kilo di sobrá di afval (lèntfél)

Na tur un resultado tristu di 142 kilo!
Ki dia e kos aki ta stop?

The Kunuku Man di tur manera ta gradisi e boluntarionan ku a hasi nan esfuerso riba e promé djadumingu di aña. Tambe nos ta gradisí e estudiantenan pa nan yudansa. Nos ta spera ku nan a komprendé e yamada i kompartí esaki ku nan famia, amigu i kompañeronan di skol.

Tip di The Kunuku Man. Bo mes kwe un basora i un skòp. Pone e kliko riba kaya i rekohé bo afval di vuurwerk. Un esfuerso chikí; stupi i kaya limpi.

Bon siman!