#208 Playa Piskadó
👍🏾🇨🇼👍🏾KÒRSOU MESTER BIRA MAS LIMPI !!! 👍🏾🇨🇼👍🏾
Awe (16 di maart) e tim di Kunuku Man atrobe tabatin un tremendo akshon di limpiesa, e biaha aki tabata na PLAYA Piskadó.
For di e lugádi Parker té na e playa e tim ku hopi dediksshon a traha pa e besindario limpi i bunita atrobe.
Danki na nan esfuerzo Kòrsou por ta un tiki mas bunita atrobe.
E lista tristu di awe: 🔽🔽🔽
610 X GLAS = 122 KILO. (BAKI DI GLAS)
450 X BÒTER DI PLÈSTIK = 9 KILO. (RISAIKEL)
375 X BLIKI = 5 KILO. (RISAIKEL)
6 KILO DI SOBRÁ DI PLÈSTIK (RISAIKEL)
91 KILO DI SOBRÁ DI ROTSOI (LÈNTFÉL)
UN TOTAL DI 233 KILOOOOOOOOO.
E edishon aki tabata unu speshal ya ku e tabata den kolaborashon ku Go West Diving. Un tim di 12 sambuyadó ku a dediká nan mes pa limpia e kosta i fondo di laman den serkanía.
Mientrastantu e tim di Kunuku Man a soru pa no keda niun shushi riba tera.
Un kolaborashon fruktÍfero ku ta demonstrá kon efektivo un esfuerzo mutuo por ta. Despwes di e limpiesa a clausura e akshon den un ambiente bon meresí ku un tremendo BBQ i pasapalo na abundasia. Un bunita rekompensa pa e boluntarionan di awe ku a duna nan tempu i energía.
Un danki speshal ta bai na Go West Diving ku no solamente a yuda den laman pero tambe ku e pikòp pa transportá e shushi ku a piki.
Un elogio na tur e boluntarionan di awe. Bosnan ta kampion! Danki na boso, e playa atrobe ta un lugá presioso pa tur hende.
Ban pa e próksimo akshon eksitoso di limpiesa!
Si bo tambe ké bin yuda ku e akshonnan di limpiesa, djies whatsapp the Kunuku Man, tòg? +59995638674.
Bishitá trankilamente www.kunukuman.com pa mas informashon tokante e PROBLEMA di shushi.
Finalmente the Kunuku Man ta deseá na tur ku a lesa e mensaje aki un siman plasentero peeeeeeeero tambe unu Limpi.
🤠 Korda kompartí !! 👍🏾