#213 Habaai kwé direkshon di Ser’i Dòmi.
👍🏾🇨🇼👍🏾KÒRSOU MESTER BIRA MAS LIMPI !!!👍🏾🇨🇼👍🏾
Estimado Shushadónan di Kòrsou.
Apesar di ku awe (27 di aprél) e “Mihó Team di LimpIesa” apesar di sirkunstanshanan no tabata bon representá e grupo di 9 persona a demostrá balentía i dedikashon kompleto. Na unda esaki tabata? Riba NIJLWEG na altura di e lusnan di trafiko na Habaai kwé direkshon di Ser’i Dòmi.
Un total di 112 kiloooo di porkería ku gewoon asina ta tira afó e boluntarionan aki a piki.
Hopi kaha di karton ku ta bula fo’i trùk. Dus chofùrnan tapa boso karga ku un NET. Un trabou minimo pero bal e 5 minütnan èkstra di trabou. The Kunuku Man for di aki ta ekspresá palabranan di INMENSO GRATITUT na e TREMENDO boluntarionan.
Tip di siman di The Kunuku Man: transportá bo shushi den un pikòp pone un net of un zeil riba dje. Ta hasi un ENORME diferensha di shushi ku ta bula bai.
Masha Danki.
Pa mas informashon tokante e PROBLEMA DI SHUSHI bishitá www.kunukuman.com
Un siman hopi pisá den tapara.
Djaluna 28 di aprél akshon di limpiesa ku 90 alumno di ALBERT SCHWEITZER COLLEGE PARERA
Djarason 30 di aprél mas ó menos 150 alumno di MARNIX COLLEGE RIO CANARIO riba plano di SAN PEDRO.
TA E HONENNAN DI MAÑAN, TÒG?
Finalmente The Kunuku Man ta deseá tur ku a lesa esaki un siman plasentero peeeeeeeeeeeeeeeeero primordialmente unu LIMPI. Por fabor kompartí.