Fundashon Kultural Bandabou ta duna rekonosementu

Durante un enkuentro festivo i bon bishitá na Barber Fundashon Kultural Bandabou a otorgá un sertifikado na The Kunuku Man pa su trabou di limpiesa na Bandabou i naturalmente rònt Korsou. E sertifikado a ser entregá pa miembro di Parlamento alabes boluntario di e team di The Kunuku Man, sra. Ana-Maria Pauleta.

28 persona/instanshanan a keda honrá durante e enkuentro aki.
Aki ta sigi parti di e invitashon na The Kunuku Man:

E aña aki nos ta selebrá edishon number 25 di Dia di Bandabou
Den kuadro di e hubileo aki ya a bira un tradishon ku ta duna rekonosemento na sierto persona, instansha ó empresa ku na nos opinion ta meresé rekonosemento pa nan kontribushon balioso na bienestar i desaroyo di Bandabou.

Despwes di un evaluashon nos a disidí di duna abo personalmente e rekonosemento pa bo kontribushon di limpiesa na bario di Bandabou.
In konekshon ku esaki nos ta organisá un enkuentro ofishal pa kual nos ké invitabo pa bin risibí nos gesto di apresio i rekonosemento.

E rokonosemento naturalmente no ta solamente pa The Kunuku Man sino tambe pa su Team di Boluntario kompleto.

Portrets: Max van Aalst / Roel Vinkes